Behno aur bhaiyon..

If Ameen Sayani were to be a convocation compere, how would it sound?

Behno aur bhaiyon,

IMT Nagpur ke Deekshant samaroh mein aapka swagat hai. Is saal IMT ki MBA Program ki saalana  seedhi par sabse pehle pesh karenge Arti ko. Yeh hain  paaydaan number do sau par, hamare shikshak gan aur APO ki ranking ke aadhaar par.

Paidaan number ekso ninnyanave  par hain Akanksha..jinki mehnat rang lai aur unhe is makaam par pahunchaya. Inke mata pita bhi yahan maujood hain apni beti ki aakanshaon ko poora hote dekhne ke liye.
-----

Aage dekhiye Akshar ko, jinhone management ki padhaai ka ek bhi akshar nahin chhoda padhe bagair, ..yeh hain paydaan number pachaas par.

Yeh hain Akash, jinhe unke kuch saathi 'professor' bhi bulane lage the, kyunki inke mizaj kuch professoron jaise hi hua karte the..

Dus number ki paaydaan par hain Archana, jinhone sirf Kotler jaise kitabon ki archana kee thee, aur bahut kaamyaab rahi apni koshishon mein..bahut bahut badhai aapko Archanaji.

Do number par hain Roshan, jinhon ne apna hi nahin, balki saare apnon ka naam roshan kar diya hai aaj.  Chief Guest sahab unhe medal dene mein jo lage hue hain..

Aur ab..dil thaam ke baith jaiye janaab...kyuni aane wala/wali hain number ek par...

Put your name here.

Wouldn't that be great?